Sunday, 11 October 2015

ମୋ ଓଡିଶା

କଟକ ଆକାଶେ ମକର ଗୁଡି
ଚିଲିକା କଙ୍କଡା ମାଛ ଚିଙ୍ଗୁଡି
ଜଗନ୍ନାଥ ଧାମେ ସିନ୍ଧୁ ଲହଡି
ପାରାଦୀପେ ନବ ନଉକା ଝଡି ।
ଦେଖିନ ଯଦି, ଆଉ କଣ ଦେଖିଛ ??

ମାଲ୍ୟବନ୍ତଗିରି ବଣ୍ଡା ପ୍ରଦେଶ
କୋରାପୁଟେ ଗୁପ୍ତେ ଇଶ୍ୱର ବାସ
ଝରିଗାଁ ଚନ୍ଦନ ଧାରାର ରାସ
ମିନାଝୋଳ ନଦୀ ଜଙ୍ଗଲ ଦୃଶ ।
ଦେଖିନ ? ତ ଆଉ କଣ ଦେଖିଛ !!

ପୂରାଣ ପ୍ରସିଦ୍ଧ ଗିରି ମହେନ୍ଦ୍ର
ବୌଧ ରାଜବାଟି ବାସ ଯୋଗିନ୍ଦ୍ର
 ନିର୍ମଳଝରେ ଖ୍ୟାତ ବିଷ୍ଣୁ ମନ୍ଦିର
ପୁଟୁଡି ସାଲୁଙ୍କି ପ୍ରବାହମିନ୍ଦ୍ର ।
 ଦେଖିନ ? ତ କଣ ଦେଖିଛ !!

ଗନ୍ଧମାର୍ଦନ ଓ ହରିଶଙ୍କର
ଫୁର୍ଲିଝରନ୍  କଳ କଳ ଝର
ବରଗଢେ ବିଜେ ଅଷ୍ଟ ଶଙ୍କର
ଶଶି ଅହିମଣି ପ୍ରୀତି ଅମର ।
ଦେଖିନ ? ତ କଣ ଦେଖିଛ !!

ହୁମା ବଙ୍କା ଇଶ ମାଛ ପୋଖରୀ
କାଇବଣେ ଶିବ ଦେଉଳଝରି
ଖଣ୍ଡଧାର କୋରାପାଣି ଲହରି
ପ୍ରଧାନପାଟ ର ପ୍ରପାତ ଶିରି ।
ଦେଖିନ ? ତ କଣ ଦେଖିଛ !!

ଶିମିଳିପାଳେ ବାଘ ମହାବଳ
ବଡଘାଘରା ପ୍ରପାତ ଜଳ
ରେମୁଣା ଖୀରଚୋରା ଚପଳ
ଇରମ ବୀର ଧାମ ଉତ୍କଳ ।

ଦେଖିନ ? ତ କଣ ଦେଖିଛ !!

Tuesday, 29 January 2013

.........................................ଶିଖା


ତୁମେ କହିଥିଲ ଶିଖା, ଦିପ ଟେ ଜାଳିଲେ ଆସିବ ବୋଲି, ସଳିତା ଯେ ନଥିଲା, ମୁଁ ମୋତେ ଜାଳନ୍ତିନି ତ କ'ଣ କରନ୍ତି ? ଆଉ ତମେ ଏଇ କଥାରେ ରାଗିଯିବ ଜାଣି ପାରିଲିନି | ମୁଁ ଅନେକ ଦିନ ହେଲା ତୁମକୁ ଖୋଜୁଥିଲି ଶିଖା, ତୁମକୁ ବେଶି କିଛି କହିବାର ଅଛି | ତୁମ ସହ ଦେଖା କରିବା ପାଇଁ ସବୁକିଛି କଲି, କିନ୍ତୁ କିଛି ହେଇ ପାରିଲା ନହିଁ | ଶେଷ ରେ ଭାବିଲି, ଆଉ କିଛି ଉପାୟ ନାହିଁ | କୁହ ଶିଖା କ'ଣ ଭୂଲ୍ କଲି ? 
ହେଉ ସେ କଥା ଛାଡ ଶିଖା, ଅନେକ ଦିନ ହେଲ ତୁମ ଅପେକ୍ଷା କରିଛି | ତୁମ ବିନା ମୁଁ କେମିତି ଯେ ବଞ୍ଚିଛି, ତୁମେ କେମିତି ବୁଝିବ ? ମୋ ଦେହ ଟା ପୁରା ଥଣ୍ଡା ପଡିଗଲାଣି,ତୁମେ ପାଖକୁ ଆସିଲେ, ହୁଏ ତ ମୁଁ ପୁଣି ଥରେ ବଞ୍ଚି ଉଠିବି |

Friday, 20 July 2012

ସକାଳ

ଅନେକ ଥର ଯେବେ ବି ମୁ ନିରାଶ ହେଇଛି, ଶୁଣିଛି, ଏଇ ରାତି ବାସ କିଛି ସମୟ ପାଇଁ | ପୁଣି ଏକ ନୁଆ ସକାଳ ଆସିବ, ଆଉ ଏ ରାତି କଟି ଯିବ | ନିରାଶ କୁ ଅନ୍ଧକାର ବା ରାତି ସହ ପ୍ରାୟ ସମସ୍ତେ ତୁଳନା କରନ୍ତି | ମୁ ଭାବେ, ରାତି କଣ ଖରାପ ? ନିରାଶା ଏବଂ ଅନ୍ଧକାର ର ସମ୍ପର୍କ୍ କଣ ମୁ କେବେ ବି ବୁଝି ପାରିନି | ଆଜି ବି ନାହି |

ମୋତେ ତ ଲାଗେ, ରାତି ବେଶୀ ସୁନ୍ଦର | ଦିନ ସାରା ପରିଶ୍ରମ କରି ଏକ ଶ୍ରମିକ ତେ ରାତିଟି ପାଇଁ ହି ଅପେକ୍ଷା କରିଥାଏ | ଯଦି ସକାଳ ହେବ, ତାକୁ ପୁଣି ଥରେ କାମ କରିବାକୁ ପଡିବ |

ଖାଲି ଶ୍ରମିକ କଥା କାହିଁକି, ଆଜି ସମସ୍ତଙ୍କ ସହ ଏ କଥା ସତ | ଅଫିସ୍ ରେ ଥିବା ବେଳେ ଖାଲି ଏ କଥା ମନ କୁ ଅସେ, କେତେବେଳେ ସନ୍ଧ୍ୟା ହେବ, ଏବଂ ଘରକୁ ଯିବାକୁ ମିଳିବ |

ସଂଧ୍ୟାରେ ଘରକୁ ଆସିବାର ସୁଖ ଦିନର ପରିଶ୍ରମ ରେ କାହିଁ ? ତଥାପି ନିରାଶକୁ ରାତି ସହ ତୁଳନା କରିବାର ଯଥାର୍ଥତା ମୁ ଜାଣି ପରେନି |

Monday, 25 April 2011

ହେ କୃଷ୍ଣ

ସେଇ ଯମୁନା କୂଳେ
କଦଂବ ମୂଳେ
ଜଗିଛି ମୁଁ
ଜଗିଛି ମୁଁ ତୁମକୁ......
ହେ କୃଷ୍ଣ |
ଦିନ, ରାତି, ସଞ୍ଜ, ସକାଳେ
ତୁମ ଛବି ଆଖି ରେ ଘାରେ....
ପ୍ରିତି ଭରା ସେ ହସ ଟେ ନେଇ
ଦିନେ ପୁଣି ଆସିବ କାଳେ......

ସବୁ ବଈଁଶି ସୂରେ
ଗୋରୁ ପଲେ
ଖୋଜୁଚି ମୁଁ
ଖୋଜୁଚି ମୁଁ ତୁମକୁ......
ହେ କୃଷ୍ଣ |

Saturday, 23 April 2011

ମୁଁ ସେହି ରୂପା ଚାନ୍ଦ ଟି..

ମୁଁ ସେହି ରୂପା ଚାନ୍ଦ ଟି..
ଯିଏ ଦେଖେ ମନେ ଜଳେ,
ଥାଏ ସଦା ବୋଲି ତାରା ମେଳେ
ହେଲେ ତାରା ମୋ ଠାରୁ ଅନେକ ଦୁରେ ଅଛି ||

କଟୁ ଦେହ ମୋର
ବିରହ ର ଅସୀ ଧାରେ
ହେଲେ ମୋ ରୂପ ଦେଖି
ହସେ କଈଁ ଟି....

Thursday, 21 April 2011

..................

ସ୍ଵପ୍ନ ଦେଖିବାକୁ ଚାହିଁ ଥିଲି ମୁହିଁ
ବୁଜି ବାକୁ ଟିକେ ଆଖି....
ସ୍ଵପ୍ନ ଆସିଗଲା ନିଜ ବାଟେ ଖାଲି
ଅନ୍ଧାର ରହିଲା ବାକି |||

ଅନ୍ଧାର ଭିତରେ ହଜିଯାଇଛି ମୁଁ
ପାଉନି ଚାଲିବା ବାଟ....
ଆକାଶେ ନାହିଁ ଜନ୍ହ କି ତାରା
ଆଗ ରେ ରାତି ବିରାଟ |||

ବିଜନ ତ ନାହିଁ ସହର ବଜାର
ତଥାପି ଆଜି ମୁଁ ଏକା...
ଆଖି ବୁଜିଥିଲେ ସଭିଏଁ ଦିଶନ୍ତି
ଖୋଲିଦେଲେ ବିଭିଶିକା |||

Wednesday, 20 April 2011

ଅଜି ଅନେକ ଦିନ ପରେ........

ଆଜି ଅନେକ ଦିନ ପରେ....
କବିତା ଟେ ଲେଖିବାକୁ ଇଛା ହୁଏ |
କିଛି ଆଶା, କିଛି ସ୍ମୃତି...
ଗଲାଦିନ ଅନୁଭୁତି...
ସକାଳ, ସଂଜ ଓ ରାତି
ଲେଖିବାକୁ ଇଛା ହୁଏ  |

ଯେତେ ଖୁସି ପାଇଛି ମୁଁ,
ଏଇ ଭରା ଜଗତେ...
ଲୁହ ଯେତେ ବୋହିଛି
ମୋଁ ଜୀବନ ଚଲାପଥେ.....
ସେଇ ସବୁ ଲେଖିବାକୁ ଇଛା ହୁଏ |